Татарстан Җир һәм мөлкәт мөнәсәбәтләре министрлыгында коронавирустан прививка ясалды

Вакцинация эштән аерылмыйча гына министрлыкта узды.

(Казан, 24 май, «Татар-информ», Эвилена Киселева). Татарстан Җир һәм мөлкәт мөнәсәбәтләре министрлыгы һәм ведомство оешмалары хезмәткәрләре һәм ветераннары «Спутник V» вакцинациясенең беренче этабын узды.

«Башта хезмәткәрләр үзләренең һәм якын туганнарының хроник авырулары, шулай ук үзләренең зыянлы гадәтләре һәм яшәү рәвеше турындагы сораулар буенча анкета тутырдылар, терапевт белән сөйләштеләр, ә аннары вакцинациягә киттеләр», — дип сөйләделәр ведомство матбугат хезмәтендә.

Вакцинация эштән аерылмыйча гына, министрлыкта узды. Аларга вакцинациянең икенче компонентын 21 көннән ясаячаклар.

«Вакцинация — йогышлы авырулардан саклануның иң нәтиҗәле ысулы», диделәр ведомствода.