Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Covid-19 авыруыннан даруларның клиник сынаулары төгәлләнәчәк вакыт билгеле булды
Беренче этапта препарат уртача дәрәҗәдәге авырулар өчен генә кулланылачак.
(Казан, 24 май, «Татар-информ»). «Арепливир» сәүдә атамасы белән Covid-19 авыруыннан илебездә эшләнгән «Фавипиравир» препаратын клиник тикшеренүне 4-8 атнадан тәмамларга планлаштыралар. Бу хакта РФ Сәламәтлек саклау министрлыгының баш урологы, академик Дмитрий Пушкарьга сылтама белән РИА Новости хәбәр итә.
«Без клиник сынаулар дүрт-сигез атна дәвамында тәмамланыр дип өметләнәбез, шуннан соң теркәлү өчен документлар тапшырылачак», — диде Пушкарь.
Аның сүзләренчә, препаратның клиник сынаулары Мәскәүдә генә түгел, Санкт-Петербургта, Мордовиядә дә берничә йөз авыруда үткәреләчәк.
Беренче этапта препарат уртача авырлыктагы авырулар өчен генә кулланылачак. ИВЛ аппаратында булган пациентлар өчен ул әлегә кулланылмаячак, дип искәртте табиб.
Кызыклы яңалыкларны күзәтеп бару өчен Телеграм-каналга язылыгыз