Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кукмара районының үзәк дәваханәсенә яңа баш табиб билгеләнде
45 ел буе сәламәтлек сагында торган Равил Хәлиевка «Кукмара муниципаль районының Мактаулы гражданины» дигән исем бирелде.
(Балтач, 23 июнь, «Татар-информ», «Хезмәт даны», Лилия Нургалиева). Кукмара районының үзәк хастаханәсенә яңа баш табиб итеп Вадим Рәхмәтуллин билгеләнде. Аны район үзәк дәваханәсе коллективына тәкъдим итү чарасында республика Сәламәтлек саклау министры урынбасары Илдар Фатыйхов, район башлыгы Сергей Димитриевлар катнашты.
«Кукмара үзәк дәваханәсе республика хастаханәләре арасында лидерлар сафында. Коллектив, кадрлар көчле, дәваханә җитәкчесе һәрвакыт аларга таянып эшләде. Бүгенге көнгә төп максат — „Сәламәтлек“ илкүләм проектын тормышка ашыру, диспансеризацияне сыйфатлы итеп үткәрү, диспансер күзәтүләрне тиешле дәрәҗәдә алып бару. Әлбәттә, көнүзәк мәсьәләләрнең беренчесе — коронавируска каршы көрәш», диде Илдар Разин.
Ә вакцинация ясату төп инструмент булып тора. Коллектив иммунитет булдыру — бүгенге көндә зур бурыч. Яңа баш табибка район хакимияте белән берлектә сәламәтлек саклау өлкәсендә стратегик план булдырып, шуның нигезендә эшләү бурыч итеп куела. Аңа хезмәтендә уңышлар телибез, диде ул.
Әлеге очрашуда район башлыгы 45 ел буе сәламәтлек сагында торып, шуның 21 елын район үзәк дәваханәсенең баш табибы булып эшләгән Равил Хәлиевка нәтиҗәле хезмәте өчен рәхмәт белдерде. Һәм Равил Билал улына «Кукмара муниципаль районының Мактаулы гражданины» дигән исем бирелде.
Вадим Рәхмәтуллин Сургут шәһәрендә туа. 2010 елда Евгений Вагнер исемендәге Пермь дәүләт медицина университетының педиатрия факультетын тәмамлый. Сургут шәһәрендә ординатура үтә. Хезмәт эшчәнлеген Сургутта эндоскопист буларак башлап җибәрә. Соңгы вакытта республика клиник дәваханәсенең эндоскопия бүлегендә эндоскопист булып эшләде.
Кызыклы яңалыкларны күзәтеп бару өчен Телеграм-каналга язылыгыз