news_header_top_970_100
16+
news_header_bot_970_100

Татарстанда 32 кеше коронавирус йоктырган

Авыру очракларының күбесе Чаллыга туры килә — анда 14 кеше чирләгән.

Татарстанда 32 кеше коронавирус йоктырган

(Казан, 19 июнь, «Татар-информ»). Татарстанда соңгы тәүлек эчендә тагын 32 кеше яңа коронавирус инфекциясе белән авырган. Авыру барлык очракларда да элемтә юлы белән йоккан, дип хәбәр итә ТР Сәламәтлек саклау министрлыгының матбугат хезмәте.

«19 кеше хастаханәгә салынган, 13 кеше өйдә дәвалана», — диелә ведомство хәбәрендә.

 Очракларның күбесе Чаллыга туры килә — анда 14 кеше чирләгән. Казанда - җиде, Актаныш, Яшел Үзән, Лаеш, Лениногорск һәм Тукай районнарында икешәр авыру ачыкланган. Инфекциянең бер очрагы Алабуга районында теркәлгән.

Пандемия башланганнан бирле Татарстанда 22 061 кеше коронавирус белән авырган, 19 633 кеше савыкты (соңгы тәүлек эчендә - 36 кеше).

autoscroll_news_right_240_400_1
autoscroll_news_right_240_400_2
news_bot_970_100