Эпидсезон башыннан Татарстанда гриппның 92 очрагы теркәлгән

«Алдагы елларда А гриппы өстенлек итсә, быел В гриппы күбрәк», - диде Марина Патяшина.

Скопировать ссылку

(Казан, 14 гыйнвар, «Татар-информ», Гөлнар Гарифуллина). Узган елның сентябреннән, ягъни, эпидемиологик сезон башланганнан бирле, Татарстанда гриппның 92 очрагы теркәлгән. Бу хакта Татарстан Хөкүмәте йортында брифингта Роспотребнадзор хезмәтенең Татарстан буенча идарәсе җитәкчесе Марина Патяшина хәбәр итте.

Быел грипп белән авыручылар барысы да Казан кешеләре. «Алдагы елларда А гриппы өстенлек итсә, быел В гриппы күбрәк. Сезон тәмамланганчы шулай калыр да, В гриппы җиңелрәк уза», — диде ул.

Марина Патяшина сүзләренчә, кагыйдә буларак, инфекция кузгатыкычларны ачыклаганда, 80 процент очракта грипп этиологиясенә карамаган вируслар табыла.

Баш санитар табиб быел 1 млн 928 мең кешегә прививка ясалганын әйтте. Бу республика халкының 51 процентын тәшкил итә.

Сәхифәләр

Эпидсезон башыннан Татарстанда гриппның 92 очрагы теркәлгән