Узган тәүлектә Татарстанда коронавирус йоктыруның 23 яңа очрагы теркәлгән

Республика буенча барысы 6835 очрак ачыкланган.

(Казан, 12 сентябрь, «Татар-информ», Гөлүзә Ибраһимова). Узган тәүлектә 23 татарстанлы коронавирус йоктырган. Бу турыда Россия Кулланучы хокукларын яклау буенча күзәтчелек хезмәтенең Татарстан буенча идарәсе җитәкчесе урынбасары Любовь Авдонина бердәм мәгълүмат үзәгендә сөйләде.

«Бүгенге көндә Татарстанда коронавирус инфекциясенең 6835 очрагы бар. Узган тәүлектә яңа коронавирус инфекциясен йоктыруның 23 очрагы теркәлде. Көнлек үсеш темпы 0,4 процентны тәшкил итә.», — диде Авдонина.

Авдонина тулаем алганда яңа коронавирус инфекциясе буенча вазгыятьнең стабиль булуын әйтте. «Вазгыять стабиль булу профилактика чараларын онытырга кирәк дигән сүз түгел», — диде ул.

Спикер шулай ук сайлау участокларында барлык саклык чараларының үтәлүен әйтте.