Татарстанда Covid-19 коронавирусына 24 мең тест үткәрелгән
Республикада коронавирус инфекциясе йоктыруның 73 очрагы расланган.
Скопировать ссылку
(Казан, 13 апрель, «Татар-информ», Әдилә Зыятдинова). Татарстанда Covid-19 коронавирусына 24 мең тест үткәрелгән. ТР сәламәтлек саклау министры урынбасары, Казан шәһәре Башкарма комитетының Сәламәтлек саклау идарәсе башлыгы Владимир Жаворонков шул хакта хәбәр итте.
«Республикада коронавирус инфекциясен йоктырган 73 кеше исәпләнә, 17 кеше терелгән, коронавирус инфекциясенә барлыгы 24 мең тест (шуның 12 меңгә якыны – Татарстанның лаборатор медицина учреждениеләрендә) үткәрелгән», - диде эксперт.
Россиядә Covid-19 коронавирус инфекциясен йоктыруның 15 мең 770 очрагы теркәлгән, шуның 2186сы – соңгы тәүлектә.