Россиядә Covid-19 вирусына антителага тест-системаны теркәделәр

Роспотребнадзор мәгълүматы буенча, эшләнмә барлык кирәкле техник һәм клиник сынаулар аша узган.

(Казан, 11 апрель, «Татар-информ»). Роспотребнадзорның «Вектор» дәүләт фәнни үзәге Covid-19 яңа типтагы коронавируска каршы антитәнчекләрне ачыклау өчен «SARS-CoV-2-ИФА-Вектор» тест-системаны теркәде. Бу хакта ведомствоның матбугат хезмәте хәбәр итә.

Роспотребнадзорда эшләнмә барлык кирәкле техник һәм клиник сынаулар узды, диделәр. Тест-системаның теркәү таныклыгы вакыты чикләнмәгән.

Система коронавируслы инфекция белән авырганнарны ачыкларга, популяцион иммунитетны өйрәнергә һәм хәзер Covid-19га каршы эшләнелә торган вакциналарның нәтиҗәлелеген бәяләргә мөмкинлек бирәчәк.