Алексеевскида коронавирус белән авыручылар өчен вакытлы госпиталь булдырдылар
Госпиталь 13 урынга исәпләнгән.
(Алексеевск, 10 апрель, «Татар-информ», «Таң»). Алексеевск Үзәк район хастаханәсе базасында коронавирус белән авыручылар өчен вакытлы госпиталь булдырдылар. Бу турыда район басмасы хәбәр итә.
Район башлыгы Сергей Демидов, Татарстан буенча Баш федераль инспектор Виктор Демидов, Сәламәтлек саклау өлкәсендә күзәтчелек хезмәтенең Татарстан буенча Территориаль органы җитәкчесе Любовь Шәйхетдинова һәм Чистай Үзәк район хастаханәсе баш табибы Рәис Мостафин госпитальнең авыруларны кабул итәргә әзерлеген бәяләде.
Госпиталь 13 урынга исәпләнгән. Бирегә аерым керү юлы һәм вентеляция бар. Бу бүлек тулысынча изоляцияләнгән.
Табиблар авыруларны махсус саклагыч киемнәр киеп кабул итәчәк. Биредә үк анализ да алып булачак.
Хәзерге вакытта Алексеевск районында коронавирус инфекциясен йоктыручылар юк.