Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия эксперты балаларга кайчан прививка ясатырга кирәклеген сөйләде
Виталий Зверев балаларга 12 яшьтән соң Covid-19 инфекциясеннән прививка ясатырга мөмкин булуын әйтте.
(Казан, 9 декабрь, «Татар-информ»). Балалар һәм яшүсмерләргә коронавирустан прививканы әлегә куркыныч төркеменә кергән һәм яшен һәм ремиссия чорын исәпкә алып ясатырга кирәк. Шундый фикерне Мечников исемендәге вакцина һәм сывороткалар фәнни-тикшеренү институты җитәкчесе, Сеченов университетының микробиология, вирусология һәм иммунология кафедрасы мөдире Виталий Зверев Covid-19 инфекциясенә каршы тору мәсьәләләре буенча Халыкара конференциясе киңлекләрендә әйтте.
«Тик андый балаларга (риск төркеменнән – ред.) тикшерелгән вакциналардан прививка ясатырга һәм бик сак булырга кирәк. Хәзер без Covid-19 инфекциясеннән өлкәннәр өчен кулланыла торган вакциналар ахыргача тикшерелеп бетмәгән дип саныйм», - диде РИА Новости агентлыгына Зверев.
Аның сүзләренчә, кагыйдә буларак, онкология, шикәр диабеты, волчанка тибындагы системалы авырулы балалар коронавирус белән авырыйлар һәм үләләр.
Эксперт фикере буенча, балаларны 12 яшьтән башлап вакциналаштыру кирәк, алданрак коронавирустан прививка ясатуның мәгънәсе юк.
«Мин балаларга әлегә кагылмаска, яхшы вакцина барлыкка килсә, риск төркемендәгеләргә, барлык факторларны исәпкә алып, ремиссия чорында прививка ясатырга тәкъдим итәм», - диде Зверев.
Россия Сәламәтлек саклау министрлыгы элегрәк 12-17 яшьлек үсмерләр өчен коронавирус инфекциясенә каршы «Спутник М» вакцинасын теркәү турында карар кабул иткән иде. Россия Сәламәтлек саклау министры Михаил Мурашко хәбәр иткәнчә, 6-11 яшьлек балалар арасында коронавируска каршы вакцина куллану буенча тикшеренүләр киләсе ел башында башланачак.
Кызыклы яңалыкларны күзәтеп бару өчен Телеграм-каналга язылыгыз