Россиядә соңгы тәүлек эчендә коронавирустан 86 кеше дәваланган

Илдә барлыгы 8672 зарарлану очрагы теркәлгән.

(Казан, 8 апрель,«Татар-информ»). Россиядә соңгы тәүлек эчендә 86 кеше коронавирус инфекциясеннән дәваланды, барлыгы 580 кеше сәламәтләнеп хастаханәдән чыкты. Әлеге мәгълүматларны Роспотребнадзор китерде.

Соңгы мәгълүматларга караганда, илдә барлыгы 8672 зарарлану очрагы теркәлгән. Тәүлек эчендә үсеш 1175 очракны тәшкил иткән. Татарстанда яңа Covid-19 очраклары теркәлмәгән.

Россиядә 63 кеше коронавирус корбаны булган, шул исәптән бишесе узган тәүлектә үлгән.