Питрәчтә коронавирустан үлгән табибның портретын йорт диварына ясаячаклар
Дәүләт Думасында Татарстаннан депутат фельдшер Дания Сәлимованың истәлеген мәңгеләштерергә тәкъдим итте.
(Казань, 4 декабрь, «Татар-информ»). Питрәч авылындагы йортларның берсе диварына коронавирустан үлгән ашыгыч ярдәм табибы Дания Сәлимованың портретын ясаячаклар. «Бердәм Россия» партиясенең «яшь гвардиячеләре» бу эштә ярдәм итәчәк. Бу турыда «Татар-информ» агентлыгына Россия Дәүләт Думасы депутаты Ольга Павлова хәбәр итте.
«Миңа ашыгыч ярдәм фельдшерының туганнары мөрәҗәгать итте. Ул авыру кешеләргә, шулай ук коронавирус йоктыручыларга да ярдәм күрсәткән. Башкаларны чирдән коткарып, үзе авырган һәм аны коткара алмаганнар», — диде депутат.
Ольга Павлова сүзләренчә, ул фельдшерның фотосын һәм туганнарының үтенечен «Бердәм Россия» партиясенең «яшь гвардиячеләре»нә тапшырган.