Түбән Камада мобиль пунктта бер компонентлы «Спутник лайт» вакцинасын ясатырга була

Үзегез белән паспорт, СНИЛС һәм полис алырга кирәк.

(Казан, 4 август, «Татар-информ»). Пәнҗешәмбе, 5 августта, Түбән Кама шәһәренең Менделеев урамындагы 2а йорты ишегалдында мобиль пунктта бер компонентлы «Спутник лайт» вакцинасын ясатып булачак.

Түбән Кама муниципаль районы рәсми сайтында хәбәр итүләренчә, прививкага алдан язылып кую мөһим түгел. Аны теләге булган һәр кеше ясата ала. Үзегез белән паспорт, СНИЛС һәм полис алырга кирәк. Күчмә пункт 16:00 сәгатьтән 19:00 сәгатькә кадәр эшләячәк.

Исегезгә төшерик, Түбән Камада халыкның авыр хәрәкәтләнүче төркемнәре өчен махсус акция бара.