Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәт госпиталенә коронавируска шикле анализ белән бер кеше урнаштырылган
Районында коронавируска шикле ике анализ ачыкланды.
(Әлмәт, 4 апрель, «Татар-информ», «Әлмәт таңнары»). Әлмәт госпиталенә коронавируска шикле анализ белән бер кеше урнаштырылган. Бу турыда район басмасы хәбәр итә.
Әлмәт районында коронавируска шикле ике анализ ачыкланды. Шикле анализ — коронавирус белән авыру куркынычы бар дигән сүз.
Бер пациент элегрәк ачыкланган иде, бу хакта Әлмәт районы башлыгы Тимур Нагуманов алдагы туры эфирларда әйтеп узган иде. Авыру хәзерге вакытта Яр Чаллыдагы госпитальдә. Әлмәт районы территориясендә тагын бер пациент ачыкланган, ул йогышлы авырулар бүлегендә ята.
«Аның шикле анализы бар, әмма әлегә расланмаган. Ул онкология диспансеры территориясендә урнашкан госпитальгә күчерелде. Анда 60 урын исәпләнә. Госпиталь изоляциянең тулы режимы белән тәэмин ителгән, тышкы дөньядан гына түгел, бер-берсеннән дә — авыруларны аерым-аерым урнаштыру мөмкинлеге бар», — дип хәбәр итте район башлыгы.
Кызыклы яңалыкларны күзәтеп бару өчен Телеграм-каналга язылыгыз