Көньяк Африкадан Россиягә кайткан ике пассажирда коронавирус тапканнар

Алар хастаханәгә салынган, хәзерге вакытта коронавирус инфекциясенең штаммлы булу-булмавын ачыклыйлар.

(Казан, 3 декабрь, «Татар-информ», Павел Климчак). Җомга көнне Көньяк Африка Республикасыннан Россиягә шәхси рейс белән кайткан ике пассажирда коронавирус табалар. Бу хакта «РИА Новости» Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) матбугат хезмәтенә сылтама белән хәбәр итә.

«3 декабрьгә каршы төндә Көньяк Африка Республикасыннан шәхси рейс белән кайткан ике пассажирда яңа коронавирус йогышына уңай ПЦР-тест ачыкланды. Алар очканда карантинда булган, хәзерге вакытта хастаханәгә салынган», – диелә хәбәрдә.

Хәзерге вакытта коронавирус инфекциясенең штаммлы булу-булмавын ачыклыйлар. Әлеге хәл Роспотребнадзор контролендә кала.