Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
АКШта «омикрон» штаммын йоктыруның беренче очрагы ачыкланган
Ак йортта әлеге штамм аркасында өстәмә чикләүләр кертү ихтималы хакында хәбәр иттеләр.
(Казан, 2 декабрь, «Татар-информ»). АКШта «омикрон» штаммын йоктыруның беренче очрагы теркәлгән. Әлеге штаммны эләктергән ир-ат 22 ноябрьдә Көньяк Африка Республикасыннан кайткан. Бу хакта «Российская газета» яза.
Ир-ат уңай тестны 29 ноябрьдә тапшырган. Аның белән аралашкан кешеләрдә чир табылмаган. АКШның баш инфекционисты Энтони Фаучи шулай дип белдерде. Табиб билгеләп үткәнчә, «омикрон» штаммын йоктырган ир-ат Африкага сәфәр кылыр алдыннан коронавируска каршы вакцинациянең тулы курсын узган, шуңа күрә авыру җиңел формада уза.
Шул ук вакытта, Ак йортта әлеге штамм аркасында өстәмә чикләүләр кертү ихтималы хакында хәбәр иттеләр. Аерым алганда, коронавирус инфекциясенең яңа төре табылган илләр белән авиаэлемтә тулысынча туктатылырга мөмкин.
Кызыклы яңалыкларны күзәтеп бару өчен Телеграм-каналга язылыгыз