Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан халкын ВИЧ инфекциягә тикшерү дүрт процентка кимегән
Гомумән алганда, республика халкын тикшерүләр кимесә дә, фахишәләр, азгын тормыш юлы алып баручыларны тикшерү 17,2 процентка арткан.
(Казан, 1 декабрь, «Татар-информ», Гөлнар Гарифуллина). 2020 елның ун ае эчендә халыкны ВИЧ инфекциягә тикшерү дүрт процентка кимегән һәм 19,9 процент тәшкил итә. Быел барлыгы 778 мең 490 кеше тикшерелгән. Узган елда 933 меңнән артык кешене ВИЧ инфекциягә тикшергән булганнар. Бу хакта «Татар-информ» агентлыгында матбугат конференциясендә Роспотребнадзор хезмәтенең ТР буенча идарәсенең Санитар саклау бүлеге башлыгы Луиза Борисова әйтте.
Аның сүзләренчә, Татарстанда ВИЧ очраклары кимүе коронавируска каршы көрәш вакытында ВИЧка тикшерүләр кимүе һәм пациентларның СПИДка каршы көрәш үзәкләренә мөрәҗәгатьләре кимүе белән дә бәйле.
«Гомумән алганда, республика халкын тикшерүләр кимесә дә, фахишәләр, азгын тормыш юлы алып баручыларны тикшерү 17,2 процентка арткан», — диде Луиза Борисова.
Ел саен профилактика максатыннан, ул Татарстанда 28 процентка якын кеше ВИЧ-ка тикшерелгәнен билгеләп узды. «Бу авыручыларны вакытында ачыкларга мөмкинлек бирә. Россиядә бу сан 15 процентка якын», — диде белгеч.
«ВИЧ һәркемгә кагыла ала, фахишәләргә, яшьләргә генә түгел. ВИЧ хәзер киң катламнарга үтеп керде. Уяу булырга, сакланырга кирәк», — дип кисәттеләр белгечләр.
Кызыклы яңалыкларны күзәтеп бару өчен Телеграм-каналга язылыгыз