Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Укытучылар коронавирустан прививка ясатмаган өчен эштән азат ителмәячәк
Роспотребнадзор Россиянең барлык гражданнары вакцинацияне үз теләкләре белән генә ясатуына игътибарны юнәлтте.
(Казан, 1 март, «Татар-информ»). Укытучылар коронавирустан прививка ясатмаган өчен эштән азат ителмәячәк.
Күзәтчелек ведомствосында хәбәр итүләренчә, бүген яңа коронавирус инфекциясенә каршы вакцинациядән баш тарту белән бәйле эштән азат итү өчен юридик нигезләмә юк. Бу турыда Россия Кулланучы хокукларын яклау һәм кеше иминлеге өлкәсендә күзәтчелек федераль хезмәт (Роспотребнадзор) аңлатмасына сылтама белән «Российская газета» яза.
«Россиядә вакцинация хәзерге вакытта барлык категория гражданнар өчен ирекле булып тора, шул исәптән мәгариф оешмалары хезмәткәрләре өчен дә», — дип искәрттеләр Роспотребнадзорда.
Шул ук вакытта, белгечләр сүзләренчә, Covid-19 вакцинациясе Илкүләм прививкалар календарена түгел, ә эпидемия күрсәткечләре буенча профилактик прививкалар календаренә кертелгән.
Соңгысын куллану турындагы карар төбәк дәрәҗәсендә кабул ителә. Җирле баш санитар табибы карары булган очракта гына прививкадан баш тарткан өчен эштән азат итәргә мөмкин. Әмма әлегә андый карар кабул ителмәгән.
Элегрәк «Татар-информ» мәгълүмат агентлыгы хәбәр иткәнчә, 28 февральгә булган мәгълүмат буенча, Татарстанда коронавирустан 81 643 кеше (тәүлеккә үсеш — 2587) прививка ясаткан. Икенче дозаны республикада яшәүче 13 729 кеше алган.
Кызыклы яңалыкларны күзәтеп бару өчен Телеграм-каналга язылыгыз