Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан баш санитария табибы өлкән яшьтәгеләрне ковидтан прививка ясатырга чакыра
Татарстанда көн саен коронавирус белән авыручыларның яртысын 60 яшьтән өлкәнрәк кешеләр тәшкил итә.
(Казан, 1 март, «Татар-информ», Эвелина Киселёва). Татарстанда яшәүче өлкән яшьтәге кешеләргә яңа коронавирус инфекциясеннән прививка ясату мөмкинлеге турында белергә кирәк.
«Өлкән буын кешеләрен — 60 яшьтән, 65 яшьтән өлкәннәрне вакцинациягә җәлеп итү мөһим», — дип сөйләде «Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең (Роспотребнадзор) Татарстан буенча идарәсе җитәкчесе — республиканың баш санитария табибы Марина Патяшина.
Татарстан баш санитар табибы сүзләренчә, өйләрендә утыручы өлкән буынга прививка кампаниясе турында сөйләргә кирәк.
«Бу ни өчен мөһим? Чөнки көн саен коронавирус йоктыруның 50, 52, 54 очрагы теркәлә, аларның яртысы диярлек 60 яшьтән өлкәнрәк кешеләр, нәкъ менә алар яңа коронавирус инфекциясенең авыр формасы белән авыручылар төркеменә керә», — диде Марина Патяшина.
Татарстанда яшәүчеләр прививка ясатып, өлкән яшьтәге туганнары яши торган йортларына инфекция алып кайтудан саклана, диде Татарстан сәламәтлек саклау министры урынбасары Владимир Жаворонков.
Кызыклы яңалыкларны күзәтеп бару өчен Телеграм-каналга язылыгыз