Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Гинекологлар көмәнле хатынның гаиләсенә ковидка каршы прививка ясатырга киңәш итте
Татарстанда хәзерге вакытта «коронавирус инфекциясе» диагнозы куелган 22 көмәнле хатын-кыз исәпләнә.
(Казан, 16 март, «Татар-информ», Эвелина Киселёва). Бала көтүче хатын-кызны яңа төрдәге Covid-19 коронавирус инфекциясен йоктырудан саклау өчен, аның гаиләсенә һәм әйләнә-тирәдәгеләргә прививка ясатырга кирәк.
ТР Сәламәтлек саклау министрлыгының баш акушер-гинекологы, Казандагы 7нче хастаханәнең акушерлык һәм гинекология буенча баш табиб урынбасары Татьяна Шиһабетдинова «Татар-информ» агентлыгында узган матбугат конференциясендә шулай дип белдерде.
«Хатын-кыз гел өендә генә утырган һәм урамга чыкмаган очракта да, гаилә әгъзалары инфекцияне таратучы булачак. Мин әти-әни булырга җыенган барлык кешеләрне прививка ясатырга чакырам», - дип искәртте спикер.
Көмәнле һәм күкрәк сөтен имезүче хатын-кызларга «Спутник V» прививкасын ясатырга ярамый.
Республика табиблары көмәнле хатын-кызларда коронавирусның бик авыр формаларына юлыккан. Аларның сүзләренчә, бала көтүче хатыннарга вирус тиз йога һәм ул бик куркыныч.
«Ана булырга җыенган хатын-кызларга һичшиксез коронавируска каршы прививка ясатырга кирәк», - дип киңәш итте Казан дәүләт медицина университетының акушерлык һәм гинекология профессоры, медицина фәннәре докторы Рушания Габидуллина.
Татарстанның баш акушер-гинекологы сүзләренчә, республикада ОРВИ йоктырган – 275, коронавирус инфекциясе эләктергән 22 хатын-кыз табиблар күзәтүендә. Тугыз гүзәл зат хастаханәгә озатылган.
Кызыклы яңалыкларны күзәтеп бару өчен Телеграм-каналга язылыгыз