Мәдәният 13 гыйнвар 2016 17:57

Г. Камал театры сәхнәсендә — “Дон Жуан”

Спектакльнең премьерасы февраль аена билгеләнгән

Скопировать ссылку

(Казан, 13 гыйнвар, “Татар-информ”). 5, 6 һәм 19 февраль көннәрендә Г.Камал исемендәге Татар дәүләт академия театрында Ж.-Б.Мольер пьесасы буенча сәхнәләштерелгән "Дон Жуан" спектакле премьерасы була. Спектакльнең режиссеры – Фәрит Бикчәнтәев.

Ж.-Б.Мольерның “Дон Жуан” пьесасы дөнья классикасы репертуарында иң серле әсәрләрнең берсе. Мольер әлеге пьесаны язганда, классицизм кануннарыннан читләшеп, барокко поэтикасына мөрәҗәгать итә.

Г. Камал театрында Мольер иҗат иткән пьесалар төрле елларда сәхнәләштерелә. Алар арасында “Саран” (1914), “Ирексездән табиб” (1916), “Жорж Данден” (1951) һәм “Тартюф” (1936, 1978, 2012) спектакльләре бар. “Дон Жуан” пьесасы Г. Камал театры сәхнәсендә беренче мәртәбә уйнала, диелә театрның матбугат хезмәте хәбәрендә.

Сәхифәләр

Г. Камал театры сәхнәсендә — “Дон Жуан”