Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ФИНА президенты һәм Казан мэры 20 м биеклектәге каланчадан сикерү осталарына медальләр тапшырды
Хатын-кызлар арасында хай-дайвинг буенча финал ярышы узды
(Казан, 4 август, "Татар-информ", Гөлнар Гарифуллина). Бүген "Казансу" объектында хатын-кызлар арасында хай-дайвинг буенча ярышлар узды. 9 хатын-кыз - Америка Кушма Штатларыннан 4 вәкил, Алмания, Бразилия, Мексика, Канада, Беларусь спортчылары 20 метр биеклектәге каланчадан сикерү буенча осталыкта көч сынашты. Тагын бер Украина вәкиле Диана Томилина, тренировкада имгәнүе сәбәпле, ярышта катнаша алмады.
Ярышлар өчен һава торышы бик кулай булды дип әйтеп булмый. Вакыты белән көчле җил бераз комачаулады. Җил салкын булганлыктан, су да җылы булмагандыр дип фаразларга була. Алтын медальне Америкадан Рэйчел Симпсон яулады. Көмеш медальгә шулай ук АКШтан Сесиль Карлтон лаек булды. Беларусьтан Яна Нестерова бронза призер булды. Җиңүчеләрне ФИНА президенты Хулио Маглионе һәм Казан шәһәре мэры Илсур Метшин тәбрикләп, медальләр тапшырды.
Иртәгә 27 метрлы каланчадан сикерү буенча ир-атлар арасында медальләр уйнатылачак.
Искәртеп узабыз: кичә хай-дайверлар арасында башлангыч ярышлар үткәрелгән иде. Татарстан спортчысы Игорь Семашко 17 нче күрсәткечкә ия булды.
Фотосурәт http://old.metshin.ru cайтыннан алынды.
Кызыклы яңалыкларны күзәтеп бару өчен Телеграм-каналга язылыгыз