Фән һәм мәгариф 23 гыйнвар 2023 21:50

Февральдә Казанда «Хәзерге заман инженерлык белеме» форумы узачак

Скопировать ссылку

Февраль аенда Казанда 187 нче күппрофильле лицей базасында «Инженерлык Республикасы» мәгариф проектының 5 еллык юбилеена багышланган «Хәзерге заман инженерлык белеме» мәгариф форумы узачак.

Форумда «Инженерлык Республикасы», «Инженерлы Казан» һәм «Яңа инженерлык белеме» проектларының база мәйданчыкларында укучылар катнашачак. Форум эшендә Татарстан Республикасы Мәгариф һәм фән министры Илсур Һадиуллин катнашачак, дип хәбәр итә ТР Мәгариф һәм фән министрлыгы матбугат хезмәте.

Татарстан Республикасында машина төзелеше һәм нефть-газ химиясе сәнәгате тармаклары өстенлекле юнәлешләр буларак билгеләнде. Әлеге тармакларда югары квалификацияле кадрларга ихтыяҗ зур. Инженер-техник белем бирүгә ихтыяҗ һәм үсеш чорында химия, биология, физика, информатика буенча яхшы әзерлекле абитуриентлар таләп ителә.

Бүгенге көндә проектта 36 сыйныфның 500 укучысы катнаша. Белем бирү проекты өстәмә белем бирү форматында заманча мәгариф технологияләрен кулланып, авторлык белем бирү программалары буенча техник һәм лингвистик юнәлешләрне берләштерү юлы белән гамәлгә ашырыла, диелә хәбәрдә.

Сәхифәләр

Февральдә Казанда «Хәзерге заман инженерлык белеме» форумы узачак