Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин фикеренчә, Татар АЭС төзелеше РФдә техник алгарышның киләчәктә үсеше шартларында мөмкин
Фәрит Мөхәммәтшин фикеренчә, Татар АЭС төзелеше РФдә техник алгарышның киләчәктә үсеше шартларында мөмкин
(Казан, 3 ноябрь, “Татар-информ”, Руслан Мөхәммәтшин). Бүген парламент сессиясе тәнәфесендә ТР Дәүләт Советы Рәисе Фәрит Мөхәммәтшин журналистлар белән әңгәмәдә икенче укылышта 2005-2010 елларга ТР социаль-икътисади үсеше программасын кабул итүгә аңлатма бирде.
Фәрит Мөхәммәтшин фикеренчә, парламентның профиль комитеты тарафыннан эшкәртелгән һәм каралган документ Татарстанга “базар икътисады төзелеш юлыннан читкә тайпылмаска, икътисадны алга таба үстерүгә һәм республика муллыгын арттыруга” мөмкинлек бирәчәк. “Программа республиканың икътисади үсешенең төп күрсәткечләре буенча гамәлгә ашырылса да, без зур уңышка ирештек дияргә була”, - диде ул.
Татарстан парламенты башлыгы фикеренчә, Татар АЭС төзелеше турындагы пунктны чыгару ТР территориясендә станцияне урнаштыру урыны буенча өстәмә тикшеренүләр зарурлыгы белән бәйле. “Моннан тыш, Чернобыль фаҗигасе кабатланмасын өчен максималь саклау дәрәҗәсе булган атом реакторлары кирәк”, - дип өстәде Фәрит Мөхәммәтшин. “Электр энергиясе каты ягулыкта – атом энергиясендә җитештерелә торган чор җитә дип уйлыйм. Моның өчен РФдә техник алгарыш үсеше зарур”, - дип билгеләп үтте ул.
Кызыклы яңалыкларны күзәтеп бару өчен Телеграм-каналга язылыгыз