news_header_top_970_100
news_header_bot_970_100

Ел башыннан алып Татарстан сулыкларында 9 кеше батып үлгән

Коену сезоны әле ачылмады, ә инде корбаннар бар – ел башыннан алып республикада 9 кеше суга батып үлгән, тагын 20сен коткарып калганнар. Узган елның шул чорында Татарстан сулыкларында 10 кеше батып үлгән булган. ТР Кече үлчәмле суднолар буенча баш дәүләт инспекторы Юрий Венедиктов «Татар-информ» агентлыгында узган матбугат конференциясендә шулай дип белдерде.

Ул республикада коену сезоны 1 июньдә ачылуын билгеләп үтте. Венедиктов республика халкын саклык чараларын һәм суда иминлек кагыйдәләрен үтәргә, бары тик җиһазландырылган пляжларда гына су керергә чакырды.

news_right_column_1_240_400
news_right_column_2_240_400
news_bot_970_100