Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Екатеринбургта 75 яшьлек шагыйрә театр институтын тәмамлады
Югары уку йортын тәмамлаган студентның ире, балалары, оныклары, туруннары да бар
(Екатеринбург, 17 июнь, “Татар-информ”, Лима Шәкүрова). Екатеринбургта яшәүче 75 яшьлек шагыйрә Наталья Шарнина быел театр институтын тәмамлады. Югары уку йортының матбугат хезмәте хәбәр итүенчә, олы яшьтәге дипломлы “яшь” белгеч үзенең һөнәре буенча инженер-электрик.
“Наталья Шарнина поэзия белән күптән мавыга. Ул – Пушкин фанаты, пенсиягә кадәр үк Екатеринбургтагы Пушкин җәмгыятен җитәкләде. Олы яшьтә булуына карамастан, ул зур теләк белән укып, театр институтының “Әдәби иҗат” белгечлеге буенча белем алды. Әйтергә кирәк, имтиханнар вакытында бер генә укытучы да аңа, яшенә карап, ниндидер ташламалар ясамады. Ул тырышып укыды, бер генә лекцияне дә калдырмыда. Биш ел буена тырышуның нәтиҗәсе искиткеч – Наталья Шарнина театр институтын кызыл дипломга тәмамлады”, - дип хәбәр итте матбугат хезмәте.
Наталья Шарнина диплом эшен Александр Пушкин әсәрләре буенча яза. Экзамен кабул итүче комиссия эшне югары дәрәҗәдә язылган дип таба һәм аңа иң югары бәя бирә.
Уку йортын тәмамлаган 75 яшьлек студентның ире, балалары, оныклары, туруннары да бар. Алар аңа биш ел буена ярдәм күрсәтеп килә.
Кызыклы яңалыкларны күзәтеп бару өчен Телеграм-каналга язылыгыз