Алексеевск районында Чулман елгасына балыклар җибәрделәр

Балыкны махсус цистернада алып кайтканнар, Татарстан Биоресурслар буенча дәүләт комитеты инспекторлары маймычларны суга җибәрергә ярдәм иткән.

(Казан, 26 октябрь, «Татар-информ»). Татарстанның Алексеевск районы Сакон авылында Чулман елгасына балык җибәрү буенча экология акциясе узды. Бу хакта «Заря» газетасы яза.

Арча балык хуҗалыгында үстерелгән 1,5 мең толстолобик һәм 500 сазан маймычларын елгага җибәрделәр.

Балыкны махсус цистернада алып кайтканнар. Дулкын берничә дистә маймычны ярга чыгарды. Татарстан Биоресурслар буенча дәүләт комитеты инспекторлары аларны тотып алып янә суга җибәрде.