Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда кыска вакытлы яңгыр һәм яшен көтелә
Көндез һава температурасы +26 градуска кадәр күтәреләчәк.
(Казан, 26 июль, «Татар-информ»). Иртәгә, 27 июльдә, Татарстанда уртача җылы һава торышы саклана. Шул ук вакытта һава шартлары начарлануы көтелә.
Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, республикада алмашынучан болытлы һава торышы булачак. Төнлә явым-төшем ихтималы аз. Көндез урыны белән, шулай ук Казанда кыска вакытлы яңгыр һәм яшен көтелә.
Моннан тыш, төньяк һәм төньяк-көнбатыштан уртача тизлектә искән җил көндез 15-20 метрга кадәр көчәергә мөмкин.
Төнлә һава температурасы 7..12 градус җылы булачак. Көндез һава температурасы +21..+26 градуска кадәр күтәреләчәк.
Метеорологларның якынча мәгълүматлары буенча, 28 һәм 29 июльдә Татарстанда тотрыксыз, әмма җылы һава торышы булачак.
Кызыклы яңалыкларны күзәтеп бару өчен Телеграм-каналга язылыгыз