news_header_top_970_100
16+
news_header_bot_970_100

Татарстанда томан һәм кар явуы көтелә

Метеорологлар фаразлавынча, алдагы көннәрдә республикада температура акрынлап күтәрелә башлый.

(Казан, 25 гыйнвар, «Татар-информ»). Татарстанда һава температурасы төшә, томан һәм аз гына кар явуы ихтимал.

Иртәгә, 26 гыйнварда, Татарстанда һава торышы тагын начарлана. Бу хакта Татарстан Республикасының гидрометеорология үзәге хәбәр итә.

Республикада аязучан болытлы һава. Җиңелчә кар явуы ихтимал (төнлә — урыны белән). Төнге һәм иртәнге якта республиканың аерым районнарында томан төшәчәк.

Җил көньяк-көнчыгыштан һәм көньяктан исә. Юлларда бозлавык саклана, ди синоптиклар.

Төнлә Татарстанда һава температурасы -15 градустан алып -20 градуска кадәр булачак. Аязган вакытта температура -24 градуска җитәргә мөмкин.

Көндез исә һаваның температурасы -9, -14 градусны тәшкил итә (Казанда — -10, -12 градус).

Метеорологларның алдан фаразлавынча, алдагы көннәрдә республикада температура акрынлап күтәрелә башлый.

 

autoscroll_news_right_240_400_1
autoscroll_news_right_240_400_2
news_bot_970_100