Гидрометеорология үзәге: Россиянең Европа өлешендәге кайбер төбәкләрдә җылытачак

Россиянең көнбатыш төбәкләрендә температура нормадан 6-8 градуска югарырак булачак, әмма калган субъектларда салкын һава торышы саклана.

(Казан, 23 февраль, «Татар-информ»). Мәскәүдә һәм Россиянең Европа өлешендәге берничә көнбатыш төбәгендә 25 февральдә җылытачак һәм ул ай ахырына кадәр дәвам итәчәк.

ТАСС агентлыгы бу хакта РФ Гидрометеорология үзәге фәнни җитәкчесе Роман Вильфандка сылтама белән хәбәр итә.

Вильфанд сүзләренә караганда, температура нормадан 6-8 градуска югарырак булачак: төнлә термометр баганасы 8-10 градус салкын, көндез икедән 4 градуска кадәр җылы күрсәтәчәк.

«Мондый кискен үзгәрешләр илнең Европа территориясенең көнбатыш өлешенә кагыла, калган төбәкләрдә салкын һава торышы саклана», — дип сөйләде агентлык әңгәмәдәше.

Җылыту белән беррәттән яңгырлар һәм көчле җилләр килә. Температураның мондый кискен күтәрелүен яз килү дип аңларга кирәкми, март башка һава торышыннан башланачак, дип нәтиҗә ясады Вильфанд.