Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан халкының өчтән бер өлеше парклардан 10 минутлык арада яшәячәк
Казансу үсеше стратегиясе ярдәмендә миллионнан артык татарстанлы яшәү урыныннан җәмәгать киңлекләренә автомобильдә 10 минут эчендә барып җитәчәк.
(Казан, 22 апрель, «Татар-информ»). Казансу үсеше стратегиясе ярдәмендә миллионнан артык татарстанлы яшәү урыныннан җәмәгать киңлекләренә автомобильдә 10 минут эчендә барып җитәчәк. Бу хакта «ТР шәһәрләрен үстерү институты» фондының архитектура проектлары департаменты җитәкчесе Наилә Зиннәтуллина сөйләде.
«Республика халкының өчтән бер өлеше стратегия паркларының берәрсенә автомобильдә ун минутта барып җитү аралыгында гына яши. Ягъни бу проект белән без миллионнан артык кешене колачлыйбыз», - диде Зиннәтуллина.
Яңа төзекләндерү проекты Зәңгәр күлләрдән Иделгә кадәр өч мең гектарлы территорияне үз эченә ала. Ул шәһәрне шәһәр чите белән берләштерүгә юнәлдерелгән илдәге беренче милли парк була. Стратегияне гамәлгә ашыру нәтиҗәсендә елга тирәли 12 яңа парк барлыкка киләчәк.
Татарстан халкы Казансу елгасының яр буе зоналарын үстерү турында үз фикерләрен онлайн белдерә алачак. Моның өчен аларга быел ук проектлаштырылачак биш җәмәгать пространствосы турында сораштыру узарга тәкъдим ителә. Бу - «Казансу янындагы бакчалар», «Манзара», «Рус-Немец Швейцариясе», «Спорт паркы» һәм «Савиново паркы». Төзекләндерү объектлары өчен тавыш бирү 26 апрельдән 30 майга кадәр дәвам итәчәк.
2015 елдан башлап Татарстанда барлык районнарда һәм ике шәһәр округы территориясендә 443 иҗтимагый киңлек (парклар һәм скверлар) төзекләндерелгән.
Кызыклы яңалыкларны күзәтеп бару өчен Телеграм-каналга язылыгыз