Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Эколог Иделдә суның биеклеге 50,25 метрга кадәр кимиячәге хакында кисәтте
2021 ел атмосфера явым-төшемнәренең минималь күләме һәм җәйге чорда аномаль югары һава температурасына бәйле рәвештә су күләменең түбән дәрәҗә булуы белән аерылып тора.
(Казан, 21 октябрь, «Татар-информ», Наталья Рыбакова). ТР Экология һәм табигый ресурслар министрлыгы фаразлавынча, октябрь ахырында Куйбышев сусаклагычында суның биеклеге Балтик системасы буенча 50,25 метрга кадәр кимиячәк.
Соңгы айда ул 0,5 метрга саеккан. Бу хакта «Татар-информ» агентлыгына табигатьне саклау ведомствосыннан хәбәр иттеләр.
«2021 ел атмосфера явым-төшемнәренең минималь күләме һәм җәйге чорда аномаль югары һава температурасына бәйле рәвештә су күләменең түбән дәрәҗәсе белән аерылып тора. Бу Идел-Кама каскады сусаклагычларына су килүнең кимүенә китерде», — дип ачыклык керттеләр министрлыкта.
Шунысын да искәртик: гәрчә Иделдә суның биеклеге Балтик системасы буенча 49 метр күләмендәге минималь навигация дәрәҗәсенә (2019 елда шулай булган иде) җитмәсә дә, ул шуңа якын инде.
Аерым алганда, шушы көннәрдә Идел елгасында бортында өч пассажир булган көймә төпкә утырган. Гадәттән тыш хәл Барлык диннәр гыйбадәтханәсе каршында — яр буеннан 10 метр ераклыкта булган.
Моннан тыш, Идел елгасының Әстерхан бассейнында суның биеклеге 60 сантиметрга кимегән һәм критик билгегә якынлашып килә. Бу көздә су әле тагын кимергә мөмкин.
Кызыклы яңалыкларны күзәтеп бару өчен Телеграм-каналга язылыгыз