Кукмарада яшәүче 50 ел буе сыерчыкларны оя ясап каршы ала
Алай гына да түгел, Харис абый иске ояларны карап, чистартып та тора. Сораучыларга, таныш-белешләренә үзенең хезмәт җимешләрен бүләк тә итеп бирә.
(Кукмара, 11 апрель, «Татар-информ», «Хезмәт даны», Ризилә Корбанова). Кукмарада яшәүче Харис абый Хәбибуллин 50 ел буе сыерчыкларны оя ясап каршы ала. Быел ул ояларын 3нче урта мәктәп янына элгән. Бу турыда район басмасы хәбәр итә.
Кукмараның Королев урамында яшәүче Харис абый Хәбибуллин ел саен 1 апрель — Халыкара кошлар көне уңаеннан сыерчык оялары ясап элә.
Алай гына да түгел, Харис абый иске ояларны карап, чистартып та тора. Сораучыларга, таныш-белешләренә үзенең хезмәт җимешләрен бүләк тә итеп бирә.
«Сыерчык ояларын Байлангар урта мәктәбендә укыганда ясый башлаган идем. Шуннан бирле бу шөгылемне ташлаганым юк: менә илле елдан артты инде, кайларда гына яшәргә туры килсә дә, яз саен сыерчык оялары ясап эләм. Үзебезнең өй янында да берничә оя бар, аларга бер дә кошлар килми калганы юк», — диде ул.