Татарстанда кабат томан көтелә

Республика территориясендә салкын һава торышы саклана.

(Казан, 4 декабрь, «Татар-информ»). Иртәгә, 5 декабрьдә, Татарстан территориясендә һава шартларының начараюы көтелә. Бу хакта ТР Гидрометеорология үзәге хәбәр итә.

Республика буенча төнлә һәм иртән томан төшәчәк, дип искәртә синоптиклар.

Метеорологлар мәгълүматларына караганда, төбәк территориясендә элек урнашкан салкын һава торышы саклана.