Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама муниципаль районы «Экояз-2020» республика конкурсында икенче урын алды
Гомуми мәйданы 4 мең кв. метрдан артык булган 35 санкцияләнмәгән чүплек ачыкланган һәм юк ителгән.
(Казан, 3 июнь, «Татар-информ»). Түбән Кама муниципаль районы «Экояз-2020» республика конкурсында үз категориясендә «Иң яхшы муниципаль берәмлек» номинациясендә икенче урын алды. Моннан тыш, «Иң яхшы предприятие» номинациясендә ТЭЦ абсолют җиңүче булды. Бу турыда Түбән Кама муниципаль районы рәсми сайтында хәбәр ителә.
Традицион «Экояз» конкурсы территорияләрне чистарту буенча санитар-экологик икеайлык кысаларында үткәрелде. Элек апрельнең беренче көннәреннән үк өмәләргә предприятие һәм оешмаларның йөзләгән хезмәткәре чыкса, быел санитар-эпидемиологик чикләүләр аларны үткәрүгә үз төзәтмәләрен кертте.
Территорияләрне җыештыру буенча барлык эш юл һәм торак-коммуналь хезмәтләр җилкәсенә төште. Бу эштә волонтерлар һәм иҗтимагый оешмалар да ярдәм итте. Мәсәлән, «Түбән Кама Нефтехим» ГАҖ, санитар-эпидемиологик вазгыятькә карамастан, ике тапкыр Корабельная роща янында үз яшьләр иҗтимагый оешмасы һәм «Чиста булачак» хәрәкәте көче белән шәһәр яны урманын җыештырды.
Ике ай эчендә Түбән Кама муниципаль районы территориясен җыештыру эшенә 30 меңнән артык кеше, 2800 махсус техника җәлеп ителгән. Полигонга 12 мең кубометр чүп чыгарылган. Гомуми мәйданы 4 мең кв. метрдан артык булган 35 санкцияләнмәгән чүплек ачыкланган һәм юк ителгән.
Түбән Кама, Кама Аланы, Прости, Югары Чаллы, Болгар, Шәңгәлче территорияләрендә 1200 дән артык агач утыртылган, тагын 3 меңгә якын агач Түбән Кама дәүләт урман фонды җирләрендә утыртылган. Түбән Уратма авыл җирлегендә 42 гектардан артык мәйданда 122 мең төп агач утыртылган.
Кызыклы яңалыкларны күзәтеп бару өчен Телеграм-каналга язылыгыз