Татарстанда яшен һәм көчле җил көтелә

Көчәйгәндә җилнең тизлеге секундына 15-20 метрга кадәр җитәргә мөмкин.

(Казан, 1 июль, «Татар-информ»). Иртәгә, 2 июльдә, Татарстан территориясендә яшен һәм көчле җил көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Төнлә һәм көндез республикада, төнлә һәм иртән Казанда һава шартлары начарлануы көтелә. Урыны белән яшен, секундына 15-20 метр тизлектә җил исәргә мөмкин.

«Татар-информ» агентлыгы Татарстанга 30 градуслы эссе килә дип хәбәр иткән иде.