news_header_top_970_100
news_header_bot_970_100

«Дулкын» татар мәдәнияте үзәге Новоалтайск шәһәренең юбилеенда катнашты

Алтай краеның «Дулкын» татар мәдәнияте үзәге» иҗтимагый оешмасы Новоалтайск шәһәренең юбилеенда катнашты. Бөтендөнья татар конгрессы шул турыда хәбәр итә.

Моннан 80 ел элек эшчеләр бистәсенә шәһәр статусы бирелде. Торак пунктта хәзер 74,5 мең кеше яши, шуларның өчтән бере – яшьләр.

«Дулкын» оешмасы активистлары бәйрәмне ачу тантанасында катнашты һәм шәһәр халкын котлады. Крайның татар үзәге оешмасының күп кенә активистлары Новоалтайск шәһәрендә яши һәм татар мәдәниятен саклап калуга һәм үстерүгә үз өлешләрен кертә. Шулай ук Новоалтайскида мәгариф, сәламәтлек саклау, хокук яклау, мәдәният һәм сәнәгать өлкәләрендә эшләүче татарлар шәһәр тормышына зур өлеш кертә, диелә хәбәрдә.

news_right_column_1_240_400
news_right_column_2_240_400
news_bot_970_100