Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Депутат торак сатып алуга субсидия алу хокукы булган категорияләрне атады
Россиядә, ташлама алучының категориясенә һәм чиратта тору вакытына карап, торак сатып алуга субсидияләрнең күләме фатир бәясенең 70 процентын һәм аннан да күбрәк өлешен тәшкил итәргә мөмкин. Мондый ярдәмне гомердә бер генә тапкыр алып була, дип хәбәр иткән ТАССка Дәүләт Думасының төзелеш һәм торак-коммуналь хуҗалык комитеты рәисенең беренче урынбасары Владимир Кошелев.
Аның сүзләренчә, субсидияне ташламалы категориягә кергән һәм торак шартларын яхшыртуга мохтаҗ дип рәсми рәвештә танылган гражданнар ала ала. Моның өчен гражданның үз торагы булмау, тору урынының мәйданы җитәрлек булмау, авария хәлендәге йортта яшәү яки гаилә әгъзасының бергә яшәргә комачаулый торган җитди хроник авыру булуы нигез булырга мөмкин.
Ташламалы категорияләргә 35 яшькә кадәрге яшь гаиләләр, күп балалы гаиләләр, билгеле бер вакыт дәвамында хезмәт иткән хәрбиләр, бюджет хезмәткәрләре, авыл программаларында катнашучылар, ятим балалар, Бөек Ватан сугышы ветераннары һәм аларның гаилә әгъзалары, Чернобыль атом-электр станциясендәге аварияне бетерүчеләр, аз керемле кешеләр һәм яшәү урыныннан күчеп китәргә мәҗбүр булган гражданнар керә.
Яшь гаиләләр торак бәясенең 30-35 проценты күләмендә субсидия ала ала. Күп балалы гаиләләр өчен шулай ук ипотеканы каплау өчен 450 мең сум күләмендә түләү каралган. 10 елдан 25 елга кадәр хезмәт иткән хәрби хезмәткәрләр фатир бәясенең 75 процентка кадәр өлешенә исәп тота ала, ә 25 елдан күбрәк хезмәт итүчеләр 100 процентка кадәр түләү алырга мөмкин.
Түләү күләме, квадрат метрның норматив бәясеннән һәм мәйданның социаль нормасыннан чыгып, индивидуаль рәвештә исәпләнә. Мәйданның социаль нормасы ике кешелек гаилә өчен 42 квадрат метр, өч һәм аннан да күбрәк кеше яшәгән гаилә өчен һәр гаилә әгъзасына 18 квадрат метр тәшкил итә.
Кызыклы яңалыкларны күзәтеп бару өчен Телеграм-каналга язылыгыз