Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә эшләүче пенсионерлар өчен салым чигерүен яртылаш киметергә ниятлиләр
Эшләүче пенсионерлар өчен салым чигерүе турында закон проекты бүген Дәүләт Думасына тапшырылачак. ЛДПР фракциясе башлыгы урынбасары Ярослав Нилов телеграм-каналында шул хактагы документ урнаштырган.
Депутатлар эшләүче пенсионерларга түләнгән НДФЛның яртысы күләмендә кире кайтарылган социаль салым алу хокукын бирә торган төзәтмәләрне Салым кодексына кертергә тәкъдим итә. Шул ук вакытта, кире кайтарылган акчаның күләме 25 мең сумнан артмаска тиеш, диелә документта. Пенсионерга акчаны Федераль салым хезмәтенә мөрәҗәгать иткәннән соң бирәчәкләр.
Закон проекты авторлары пенсионерга акчаны гариза тапшырганнан соң бер ай эчендә банк хисабы аша кайтарырга тәкъдим итә. Шул ук вакытта, кичектерелгән һәр көн өчен процентлар каралган, алар Үзәк банкның рефинанслау ставкасы буенча исәпләнәчәк.
Шунысын да искәртик: быел РФ Хөкүмәте төбәкләргә керемнәре яшәү минимумыннан түбәнрәк булган эшләмәүче пенсионерларга ярдәм күрсәтү өчен 10 миллиард сумнан артык акча бүлеп бирәчәк. Бу Россия Президенты Владимир Путинның яшәү минимумын 10 процентка арттыру турындагы указы фонында төбәкләр тоткан чыгымнарны компенсацияләргә ярдәм итәчәк.
Кызыклы яңалыкларны күзәтеп бару өчен Телеграм-каналга язылыгыз