Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дәүләт Думасы Россиядә яшәүчеләрнең 20 категориясе өчен мобилизациядән кичектерүне карый
Дәүләт Думасының оборона комитеты мобилизация буенча чакырудан кичектерү турында 20дән артык закон проектын карый. Бу турыда комитет башлыгы Андрей Картаполов хәбәр итте. Һәр документ Россиядә яшәүчеләрнең аерым категориясенә кагыла, дип аңлатты ул.
«Беренче чиратта, бу, әлбәттә, инвалид балалы гаиләләр, өч балалы гаиләләр һәм башкалар. Алар мөһим һәм игътибарга лаек. Эш дәвам итә, һәм ул туктамады, килешү бара. Барлык мәсьәләне контрольдә тотабыз», - дип язган Картаполов Телеграм-каналында.
Закон проектлары «алга таба мобилизация буенча чакырудан кичектерүләр темасына спекуляцияләрне булдырмау өчен» карала, дип хәбәр итте оборона комитеты башлыгы.
Искәртик, узган атнада Президент Владимир Путин якын арада оборона-сәнәгать комплексы предприятиеләре хезмәткәрләрен хезмәттән кичектерү мәсьәләсен хәл итәргә вәгъдә итте.
Моннан тыш, Дәүләт хезмәтләрендә IT-белгечләр өчен чакыруны кичектерүгә гаризалар кабул итү ачылды дип хәбәр ителде.
Кызыклы яңалыкларны күзәтеп бару өчен Телеграм-каналга язылыгыз