Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттәге «Мәңгелек ут»ны кабызган лампаны музейга тапшырдылар
1975 елда әлмәтлеләр әлеге борынгы керосин лампасында Мамай курганыннан ут алып кайта.
(Әлмәт, 31 май, «Татар-информ», «Әлмәт таңнары», Гөлназ Гыйззәтуллина). ТАССР оешкан көндә Әлмәттә тарихи вакыйга теркәлде — туган якны өйрәнү музее фонды яңа экспонат белән баетылды. Әлмәттәге «Мәңгелек ут»ны кабызган лампаны музейга тапшырдылар. Моңа кадәр ул 45 ел буена Мөдәссир Сөләймановта сакланган. Бу турыда район басмасы хәбәр итә.
1975 елда әлмәтлеләр әлеге борынгы керосин лампасында Мамай курганыннан ут алып кайта. Үз теләкләре белән әлеге эшкә алынган биш комсомол ул чорда 2,5 мең километр юл уза. Шуларның икесе кыйммәтле экспонатны музейга тапшырырга килде.
Быел — юбилейлар елы: ТАССР төзелүгә 100, Бөек Җиңүгә 75 ел. Вазгыять әлеге экспонатны 9 майда бүләк итүгә аяк чалды, әмма ТАССР оешкан көндә — 27 майда максатка ирешелде. Әлмәт туган якны өйрәнү музее директоры Винера Зәйдуллина кыйммәтле бүләкне кабул итүләренә сөенечен яшерми.
«Аның аша без сугыш еллары, сугыштан соңгы чор, мөһим вакыйгалар турында сөйләячәкбез», - ди ул. Музей фондын тулыландырган экспонат өчен үзгә традиция кертергә исәпли музейлылар. Ел саен 9 май көнне фитильне Әлмәттәге «Мәңгелек ут»тан кабызырга ниятлиләр. Бүләкне тапшыручылар да аларны хуплый. Димәк, лампа 45 ел элек булган тарихи вакыйганы кабат хәтерләрдә һәм Җиңү ялкынын гамәлдә яңартачак.
Кызыклы яңалыкларны күзәтеп бару өчен Телеграм-каналга язылыгыз