Лаеш районының Столбище авылында яңа мәдәният йорты төзелә башлады

Бинаике катлы булачак.

(Лаеш, 31 май, «Татар-информ», «Кама ягы»). Лаеш районы Столбище авылында яңа мәдәният йорты төзелеше башланды. Бу турыда район басмасы хәбәр итә.

Якын киләчәктә Заозерная урамында ике катлы яңа авыл мәдәният йорты бинасы барлыкка киләчәк.

Столбищеда җырлый да, бии дә, кул эшләре белән дә шөгыльләнә белгән иҗади кешеләр яши. Шуңа күрә һәркем күңеленә хуш килгән шөгыль таба алсын өчен яңа мәдәният йорты проектында төрле иҗат берләшмәләренә шактый бүлмәләр каралган.