“Алтын мөнбәр” фестиваленең ачылышы - on-line режимында

Бүген “Алтын мөнбәр” V Халыкара мөселман киносы фестивален тантаналы төстә ачылу бәйрәмен on-line режимында карарга мөмкин булачак

(Казан, 30 сентябрь, “Татар-информ”). Бүген кичке 18 сәгатьтә “Алтын мөнбәр” V Халыкара мөселман киносы фестивален тантаналы төстә ачылу бәйрәмен “Татарстан Республикасы мәдәнияте” интернет-порталында on-line режимында карарга мөмкин булачак. «Татарстан Республикасы мәдәнияте» порталына түбәндәге адрес буенча керергә була: Culture.tatar.ru/online. Тантананы шулай ук "РуКазан.ру" сайтында да трансляцияләү күздә тотыла. Әлеге мәгълүматны фестивальнең рәсми сайты җиткерә.