Опера һәм балет театры сәхнәсендә – “Аида” операсы

24 ноябрьдә М.Җәлил исемендәге Татар академия дәүләт опера һәм балет театры сәхнәсендә Дж.Вердиның “Аида” операсы уйналачак

(Казан, 28 октябрь, “Татар-информ”). 24 ноябрьдә М.Җәлил исемендәге Татар академия дәүләт опера һәм балет театры сәхнәсендә Дж.Вердиның “Аида” операсы уйналачак.
Спектакль Россиянең атказанган артисткасы, Татарстанның халык артисткасы Рахилә Мифтахова истәлегенә багышлана. Быелның октябрендә аңа 70 яшь тулган булыр иде. Җырчы моннан 10 ел элек арабыздан китте. Спектакльдә Аида ролен Алманиядән Ирина Гагитэ, ә Радамес партиясен испанлы Эрнесто Гризалес башкарачак. Спектакльдә шулай ук театр артистлары – Михаил Казаков (Рамфис) һәм Зоя Церерина (Амнерис) уйнаячак. Дирижер булып маэстро Ренат Салаватов чыгыш ясаячак, дип хәбәр иттеләр театрның матбугат хезмәтеннән.