Казанда Әтнә театры мюзиклын карарга теләүчеләргә билетлар җитмәгән

Морис Метерлинкның "Бәхет кошы" мюзиклын күрергә өлгермәгән тамашачы аны 26 мартта шулай ук “Әкият” курчак театрының зур сәхнәсеннән карый алачак.
(Казан, 28 февраль, “Татар-информ”). Әтнә театры мюзиклын карарга теләүчеләргә билетлар җитмәгән. Бу хакта Әтнә театры җитәкчелеге хәбәр итә.Г.Тукай исемендәге Әтнә дәүләт драма театры “Әкият” курчак театры сәхнәсендә Морис Метерлинк әкияте буенча куелган “Бәхет кошы” мюзиклын күрсәтте. Спектакль Әтнә театрының 100 еллыгы уңаеннан куелган. Режиссеры - Рамил Фазлыев.  “Спектакльгә билетлар алдан сатылып бетү сәбәпле, театр кассасы янында билет сораучылар шактый күп иде. Хәтта Алабугадан да зур автобус яллап, 40лап тамашачы килде”, - ди театрның әдәби киңәшчесе, шагыйрә Гөлүсә Батталова.Спектакльне "Тантана" театраль премиясенең жюри комиссиясе дә караган. Мюзикл видеога да яздырылган, “Шаян ТВ” каналы өчен аның видеоязмасы әзерләнә.Морис Метерлинкның "Бәхет кошы" мюзиклын күрергә өлгермәгән тамашачы аны 26 мартта шулай ук “Әкият” курчак театрының зур сәхнәсеннән карый алачак.