Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Әкият» курчак театрында «Shurale: яңа фантазия» премьерасы була
«Shurale: балет музыкасына яңа фантазия» — «Әкият» Татар дәүләт курчак театры белән La Primavera камера оркестрының уртак проекты.
(Казан, 27 гыйнвар, «Татар-информ»). 29 һәм 30 гыйнварда «Әкият» Татар дәүләт курчак театрында «Shurale: яңа фантазия» премьерасы була. Тамаша «Әкият» театры белән La Primavera камера оркестрының уртак проекты.
«Әкият» курчак театры матбугат хезмәте хәбәр иткәнчә, Фәрит Яруллинның «Шүрәле» балетының яңа куелышы балет һәм курчак хәрәкәтләре бергә үрелгән спектакль буларак тәкъдим ителә. Тамашачы танылган музыканың курчаклар катнашындагы өр-яңа куелышы белән танышачак.
Сценарий авторы һәм яңа спектакльне куючы — «Әкият» курчак театрының сәнгать җитәкчесе Илгиз Зәйниев. Хореограф - Сәлимә Әминова. Рәссам — Сергей Рябинин. Яктылык буенча рәссам — Илшат Сәяхов.
Спектакльдә Камал театры артисты, Татарстанның халык артисты Илдус Габдрахманов, «Әкият» курчак театры артистлары Ләйсән Миңнеәхмәтова, Айвар Гыймаев, Эдгар Гайнуллин, Альбина Шагалиева, Лариса Пасынкова катнаша.
Элегрәк «Татар-информ» агентлыгы хәбәр иткәнчә, быел Фәрит Яруллинның «Шүрәле» балетының яңа куелышы даими рәвештә театр сәхнәсендә күрсәтеләчәк.
Кызыклы яңалыкларны күзәтеп бару өчен Телеграм-каналга язылыгыз