Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Дәүләт җыр һәм бию ансамбле Россия шәһәрләрендә концертлар куячак
Коллектив Владимир, Мәскәү һәм Чабаксар шәһәрләрендә «Туй» хореография спектаклен һәм «Алтын фондтагы» иң яхшы номерларны тәкъдим итәчәк.
(Казан, 24 ноябрь, «Татар-информ»). Татарстан Республикасының Дәүләт җыр һәм бию ансамбле «Туй» программасы белән Россия шәһәрләренә гастрольгә китә. Программа ТАССРның 100 еллыгына багышланган. Бу хакта Татарстан Мәдәният министрлыгының матбугат хезмәте хәбәр итә.
Коллектив Владимир, Мәскәү һәм Чабаксар шәһәрләрендә «Туй» музыкаль-хореографик спектаклен һәм «Алтын фонд»тагы иң яхшы номерларны күрсәтәчәк.
Ансамбльнең беренче чыгышы 28 ноябрьдә Владимир шәһәре Мәдәният йортында булачак. 29 ноябрьдә коллектив Мәскәүнең «Измайлово» концерт залында, ә 1 декабрьдә Чабаксарның Чуваш дәүләт опера һәм балет театрында чыгыш ясаячак.
«Туй» музыкаль-хореографик спектакле Казан һәм Себер татарларының XIX гасыр ахыры ХХ гасыр башындагы фольклор-этнографик материалларына нигезләнгән. Тамашачыга традицион татар туен күрү мөмкинлеге булачак.
Сценарий авторы һәм режиссер — Дәүләт җыр һәм бию ансамбленең сәнгать җитәкчесе, Татарстанның халык артисты Айрат Хәмитов әйткәнчә, «Туй» программасы тарих белән кызыксынучылар өчен уникаль вакыйга булачак. Премьера өчен тарихи материалларга нигезләнеп 300 костюм тегелгән. Ул чордагы үзенчәлекләрне тулырак чагылдыру өчен, оркестрга этник уен кораллары сатып алынган.
Тамашачылар төрле вокаль-хореографик композицияләрне, татар халык җырларын һәм ансамбльнең «Алтын Фондындагы» җырлардан поппури, соңгы ике елда куелган яңа номерларны күрә алачак.
«Туган ил» программасын 9-10 декабрьдә Казан халкы Камал театрында карый алачак.
Кызыклы яңалыкларны күзәтеп бару өчен Телеграм-каналга язылыгыз