Уфада Мөслим Магомаевны искә алачаклар

Җырчының юбилеена багышланган кичә 25 октябрьдә Валиди исемендәге Милли китапханәдә үтәчәк.

(Казан, 24 октябрь, «Татар-информ»). Башкортстан башкаласында күренекле җырчы, СССРның халык артисты Мөслим Магомаевны искә алачаклар. Җырчының юбилеена багышланган кичә 25 октябрьдә Валиди исемендәге Милли китапханәдә үтәчәк. Бу хакта "Башинформ" хәбәр итә.

Чара кысаларында җырчының репертуарыннан популяр җырлары яңгыраячак, кино- һәм видеоматериаллар күрсәтеләчәк, китаплар күргәзмәсе оештыралачак.