ТР Дәүләт симфоник оркестры Татарстан буйлап турга җыена

Концертлар сентябрь башына билгеләнгән

 (Казан, 24 август, “Татар-информ”, Лилия Локманова). ТР Дәүләт симфоник оркестры быел 50 нче сезонын ача. Сезон ачылу алдыннан оркестр Татарстан шәһәрләре буйлап турга чыга. Беренче концерт 4 сентябрь көнне Яр Чаллыда узачак.

Бу хакта бүген “Татар-информ” мәгълүмат агентлыгында уздырылган матбугат конференциясендә ТР Дәүләт симфоник оркестрының сәнгать җитәкчесе һәм баш дирижеры Александр Сладковский хәбәр итте.

Симфоник оркестрның тамашаларын 5 сентябрьдә Түбән Кама, 6 сентябрьдә Әлмәт, 7 сентябрьдә Чистай калаларында яшәүчеләр күрә алачак.