Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фаҗигале рәвештә үлгән пианист Элина Вәлиева истәлегенә Мәскәүдә концерт була
Элина Вәлиева Уфада Урта махсус музыка көллиятен тәмамлаган, Шаляпин залында, Башкорт дәүләт филармониясендә, Башкорт опера һәм балет театрында, «Башкортостан» дәүләт концерт залында күп тапкырлар чыгыш ясаган.
(Казан, 24 гыйнвар, «Татар-информ»). Тумышы белән Уфадан булган, фаҗигале рәвештә гомере өзелгән пианист Элина Вәлиева (1992-2019) истәлегенә Мәскәүдә концерт була. Бу хакта «Башинформ» агентлыгы хәбәр итә.
Концерт 8 февральдә Элина укыган Чайковский исемендәге Мәскәү дәүләт консерваториясенең Рахманинов залында узачак. Башлана — 14.00 сәгатьтә.
Шунысын да искәртик: талантлы музыкант, күп кенә бәйгеләр лауреаты Элина Вәлиева 2019 елның декабрь ахырында Венгриядә фаҗигале рәвештә һәлак булды.
«Элинаның Уфада һәм Мәскәүдә бергә укыган, шулай ук музыка үзара таныштырган дуслары әлеге концертны оештыру идеясе белән чыкты. Кичәдә Элинаның музыкант дуслары чыгыш ясаячак», — диде кызның туганы Ришат Вәлиев.
Уфада Элина Вәлиева Урта махсус музыка көллиятен тәмамлаган, Шаляпин залында, Башкорт дәүләт филармониясендә, Башкорт опера һәм балет театрында, «Башкортостан» дәүләт концерт залында күп тапкырлар чыгыш ясаган.
Кызыклы яңалыкларны күзәтеп бару өчен Телеграм-каналга язылыгыз